டாக்டர்.அப்துல்லாஹ் பெரியார்தாசன் மறைவு ஈடுசெய்ய முடியாத இழப்பு - தமுமுக‏

தமுமுக தலைவர் ஜே.எஸ்.ரிபாயி வெளியிடும் பத்திரிகை அறிக்கை:

தமிழகத்தின் சிறந்த சிந்தனையாளர்களில் ஒருவரும் சீர்திருத்தக் கொள்கைகளைப் பரப்புவதை அன்றாட கடமையாகக் கொண்டு விளங்கியவருமான டாக்டர் அப்துல்லாஹ் பெரியார்தாசன் உடல்நலக்குறைவால் மரணமடைந்த செய்தி பெரும் அதிர்ச்சி அளிக்கிறது.

சிறந்த மனிதராக, அற்புதமான, சொற்பொழிவாளராக, நல்ல மருத்துவராக, சீர்திருத்த கொள்கைகளை உலகெங்கும் பறைசாற்றுபவராக, பன்முக ஆற்றல் கொண்டவராக தனது வாழ்நாளின் இறுதிக் காலத்தில் இஸ்லாத்தை தனது வாழ்வியல் நெறியாக ஏற்றுக்கொண்டு அதிலும் சிறந்த முறையில் தடம்பதித்த அந்த இனிய மனிதரின் மறைவு ஈடுசெய்ய முடியாத பேரிழப்பாகும்.

அன்னாரின் இழப்பால் வாடும், அன்னாரின் குடும்பத்தினருக்கும், நண்பர்களுக்கும் எமது உணர்வுப்பூர்வமான ஆழ்ந்த அனுதாபத்தினை தெரிவித்துக் கொள்கிறோம். அவரது அளப்பரிய சேவைகள் தமிழ் கூறும் நல்லுலகத்தினரால் என்றென்றும் நன்றியுடன் நினைவு கூறப்படும்.

அன்புடன்
ஜே.எஸ்.ரிபாயி